Depletion de Cupro e Proteina Como Complication de Anemia Hypoferric in InfantesEs describite 14 infantes con un syndrome consistente de anemia hypoferric, hypocupremia, e hypoproteinemia. Un retardo significative del crescentia esseva notate in un medietate del patientes. Es presentate datos in supporto del these que le hypocupremia es le resultato de un depletion de cupro e non pote esser considerate como effecto secundari del hypoproteinemia. Anormalitates del absorption e del utilisation de ferro non esseva observate. Le studio de un secunde serie de 54 infantes con anemia hypoferric sed normal o elevate nivellos de cupro in le sero revela grados significative de retardo del crescentia e de hypoalbuminemia, le quales es ambes ben correlationate con le sevenitate del anemia.Es discutite hypotheses que se trova in congruitate con le resultatos del studios reportate. Es signalate le possibilitate que le presentia initial de grados sever de carentia de ferro, resultante in un anemia marcate, causava un depletion de proteina e que iste depletion de proteina de su parte causava un defective retention de cupro e consequentemente le disveloppamento del complete syndrome.Fluorescentia del Erythrocytos in Invenenamento per Plumbo in Patientes Pediatric: Un Adjuta pro le Rapide DiagnoseUn simple e rapide test es un desiderato in le diagnose de invenenamento per plumbo, viste que un al minus partialmente efficace therapia es nunc disponibile.Un sol gutta de sanguine examinate como preparato humide per microscopia a campo obscur con le adjuta de un arco a mercurio como fonte de lumine e le application del appropriate filtros revela un fluorescentia purpurinrubie del erythrocytes quando le patiente ha invenenamento per plumbo. Es presentate 17 casos recente pro illustrar iste constatation.Le experientia del autores in septe casos, in le quales omne le requirite datos esseva disponibile, monstrava que le fluorescentia del erythrocytos es un plus simple, plus rapide, e plus fidel criterio pro le diagnose de invenenamento per plumbo que le communmente usate signos clinic e tests laboratorial.
展开▼
